ارفع مذكرة مقررك، ويجيك ملخص على طريقة دكتورك واختبار يجهّزك له
تقول لنا وش نطاق الاختبار ووش ركّز عليه الدكتور، ونقرأ المذكرة صفحة صفحة ونطلع لك ملخص كل نقطة فيه برقم صفحتها، ومعه اختبار تفاعلي تتسابق فيه الشعبة.
ثلاث خطوات وبس
من رفع المذكرة إلى الملخص والاختبار في أقل من ساعة للمذكرات المتوسطة.
ارفع المذكرة وجاوب أسئلة قصيرة
نطاق الصفحات، وش المحذوف، كيف يختبر الدكتور، ووش ذكر في المحاضرات. نقرأ الغلاف ونعبّي لك اللي نقدر عليه بدالك.
نفحصها ويطلع لك السعر على طول
سعر واحد للشعبة كلها. تنشر رابط الدفع في القروب، وكل واحد يحوّل اللي يبيه، ونبدأ أول ما يكتمل المبلغ.
يوصلكم الملخص والاختبار
ملخص PDF كل نقطة فيه برقم صفحتها ومراجَع آليًا، واختبار بأسلوب دكتوركم، ولوحة ماراثون للشعبة.
ليش يفرق عن أي ملخص في القروبات؟
لأنه مبني على مذكرتكم أنتم وكلام دكتوركم أنتم، مو ملخص عام يلف على كل الشعب.
أسعارنا تبدأ من 59 ريال للشعبة كلها
السعر على حجم المذكرة ويطلع لكم أول ما نفحصها. تنشرون رابط الدفع في القروب، وكل واحد يحوّل اللي يبيه. مثال على مذكرة صغيرة:
بلا حد أدنى للحصة، وما نبدأ إلا لما يكتمل المبلغ، ويوصل الملخص والاختبار والماراثون للكل.
هل الملخص يغني عن الكتاب؟
لا، ولكل واحد دوره: تفهم من الكتاب، وتذاكر من الملخص، وتتدرب بالاختبار. هذه الطريقة الصح، وشرحناها في كيف تذاكر.
المذكرة مصوّرة وما فيها نص، تنفع؟
تنفع. نقرأ الصفحات كصور من الأساس، فالمذكرات الممسوحة والجداول المائلة تمشي، بس تأخذ وقتًا أطول.
كيف أتأكد إن المعلومة صح؟
كل نقطة عليها رقم صفحتها، والملخص يمر بمراجعة آلية تتحقق من الإحالات وتصيد أي إضافة من خارج المذكرة قبل ما يوصلك.
لازم أسوي حساب؟
لا. رابط طلبك يكفي. الحساب اختياري لمن يبي يحفظ طلباته ونتائجه.
المذكرة عندك؟ الباقي علينا
الملخص يمشي على إجاباتك، فراجعها قبل ما ترسل.
ابدأ ملخصك الآن